David Hibit arriti të mposhtte kancerin në zorrën e hollë, edhe pasi mjekët dhe e gjithë shkenca, bazuar në analiza dhe prova shkencore, i kishin dhënë vetëm 18 muaj jetë.
Ai tani po mundohet të jetojë një jetë të qetë dhe të lumtur me bashkëshorten e fëmijët e tij, duke qenë se arriti të shpëtojë përfundimisht nga kanceri,
Hibit është një 33 vjeçar nga Staffordshire, i cili deklaron se ka shpëtuar në mënyrë të mrekullueshme nga sëmundja vdekjeprurëse pas trajtimit me vaj kanabisi.
“Disa miq më treguan për vajin e kanabisit dhe unë në fillim refuzova ta përdor këtë lloj mjekimi. Kurrë nuk më kanë pëlqyer drogat. Megjithatë, kur kuptova se kimioterapia nuk po më bënte asnjë lloj efekti, vendosa ta provoj, duke qenë se nuk kisha asnjë gjë për të humbur. Nuk e pranoja dot faktin se do të vdisja”,- tha David.
Ai bëri kimioterapi, radioterapi dhe një ndërhyrje kirurgjikale në vitin 2013, por asnjë gjë nuk kishte sukses në trupin e tij. E vetmja gjë që e ndihmoi dhe e shpëtoi, me sa duket, siç tregon edhe vetë 33-vjeçari, ishte kanabisi. /tesheshi.com/
