Sean Guinness, 60 vjeç, nga Harrogate ka qenë duke luftuar me melanomën për shumë vite dhe mjekët i dhanë tetë muaj jetë.
Tani, vjen një lajm i mirë – ai po përgatitet të shoqërojë vajzën e tij në altar dhe thotë se ndihet si njeriu më i lumtur në botë.
Ai tha se problemet e tij shëndetësore filluan kur vuri re se një nishan në këmbën e tij po i rrjedh gjak. Sean u diagnostikua me melanoma në vitin 2011, por mjekët e hoqën me sukses me operacion, shkruan BBC.
Gjithashtu, ata thanë se ka shumë pak mundësi që sëmundja të kthehet.
Pak kohë më vonë, ai filloi të ndjejë dhimbje – dhe më vonë u konfirmua se sëmundja i ishte kthyer.
Kirurgu më pas i dha atij lajmin dramatik – i kishin mbetur vetëm tetë muaj jetë.
Më pas ata rekomanduan imunoterapi dhe i dhanë ilaçe, duke përfshirë nivolumab dhe ipilimum, për të ndihmuar sistemin e tij imunitar të vrasë qelizat e kancerit.
Pas trajtimit të suksesshëm, Guinness tani është pjesë e një programi në Universitetin e Oksfordit që studion shkaqet dhe trajtimin e melanomës.
Vajza e tij do të martohet muajin tjetër, në gusht.
“Unë nuk mendoj se ka fjalë në gjuhën angleze që përshkruajnë ndjenjën e mirënjohjes,” tha Sean. /tesheshi.com/
