Mjekët në Poloni i hoqën një pacienteje një kist ovarian që peshonte 100 kilogramë, njoftoi Spitali Klinik Universitar nga qyteti juglindor polak i Rzeszow.
Një zgavër e mbushur me lëng u formua në vezoren e një gruaje 24-vjeçare, njoftoi klinika.
“Diametri i tumorit ishte rreth një metër”, tha dr. Anna Bogaczyk nga Departamenti i Gjinekologjisë.
Kur u shtrua në spital një javë më parë, pacientja 158 centimetra e gjatë peshonte 182 kilogramë. Ekzaminimi ishte jashtëzakonisht i vështirë sepse ajo nuk mund të futej në skanerin CT, thanë mjekët.
“Si ekip mjekësor, ne përgjithësisht e dinim se çfarë po ndodhte,” tha Tomasz Kluz, kreu i gjinekologjisë.
Gjatë operacionit, mjekët hoqën rreth njëqind litra lëng dhe më pas hoqën kistin.
Nuk konstatuan ndryshime patologjike në legen apo në bark. Pacientja tha se nuk guxonte të shkonte më parë në spital sepse kishte frikë. /tesheshi.com/
