Është anuluar vizita e kryeministrit të Malit të Zi, Dushko Markoviç, në Kosovë për shkak të mjegullës. Lajmi është bërë i ditur nga zëdhënësja e qeverisë, Donjeta Gashi, që ka thënë për KTV-në se arsyeja është e anulimit janë kushtet atmosferike.
Anulimi i vizitës është bërë për shkak të mjegullës së madhe e cila pengoi nisjen e aeroplanit të Markoviqit nga Podgorica.
Kujtojmë se kryeministri malazez ishte paraparë të zhvillojë takime edhe me kryeministrin Ramush Haradinaj dhe kryeparlamentarin Kadri Veseli.
Për momentin nuk ka një njoftim se kur mund të realizohet kjo vizitë. /tesheshi.com/
