Prej disa muajsh është vënë re një ndryshim të vogël, por dhe i dukshëm në shishet plastike njëpërdorimshme që përdorin të gjithë. Kapakët tani janë projektuar në mënyrë që të mos hiqen nga pjesa tjetër e paketimit, përveç nëse dikush… i këput me forcë.
Dhe nuk bëhet fjalë për ndonjë iniciativë të kompanive, por për një direktivë të qartë të Bashkimit Evropian nga viti 2019, e cila do të bëhet e detyrueshme nga korriku i vitit 2024. Për sa i përket targetimit të kësaj direktive, BE-ja po ecën me moton e reklamës së vjetër – “pa qese, pa plastikë në dete dhe brigje”.
Arsyeja është Direktiva e BE-së 2019/904m e cila thotë se kapakët duhet ngjiten në të gjitha shishet plastike me një kapacitet deri në tre litra. Direktiva e re, siç raportohet nga Bashkimi Evropian, synon të parandalojë 10% të mbetjeve plastike që gjenden në plazhet evropiane.
Pjesa përkatëse e kësaj rregulloreje të BE-së për prodhimin e Caps & Closures thotë: “Tapakët dhe kapakët e plastikës që përdoren për shishet plastike të pijeve janë ndër plastikat njëpërdorimshe që gjenden më shpesh si mbeturina në plazhet e Bashkimit Evropian.
Kërkesat për projektimin dhe funksionimin e tapave të ngjitura që rezultojnë nga kjo rregullore janë ende duke u përcaktuar dhe aktualisht mund të përmblidhen si më poshtë:
– Kapaku duhet të jetë i pajtueshëm me modelet ekzistuese.
– Ndikimi tek konsumatori fundor duhet të mbahet sa më i ulët që të jetë e mundur, pra të mos ulet komoditeti i përdorimit.
– Mbylljet duhet të jenë në përputhje me pajisjet ekzistuese.
– Kapakët janë të lidhur me shishen gjatë gjithë ciklit jetësor të produktit deri në riciklim.
– Materialet për kapakun e lidhur nuk ndryshojnë.
– Ndikimi në linjat ekzistuese të prodhimit duhet të minimizohet dhe prodhimi të mos zvogëlohet.
– Hapja dhe mbyllja e kapakut duhet të sigurohet 15 herë pa humbur funksionin.
Edhe pse ende nuk ka asnjë detyrim ligjor për ta bërë këtë, kapakët që mbeten ngjitur në shishe janë në treg prej disa kohësh dhe përdoren tashmë nga disa prodhues pijesh. Megjithatë, sipas një studimi rreth 1,350 linja shishe në të gjithë BE-në do të duhet të përgatiten për ndryshimin dhe të përshtaten me ligjin e ri evropian. Kjo do të thotë nga ndryshimet në linjën e prodhimit, ndryshimet në bashkëpunimin e tyre me furnitorët e shisheve, deri tek ndryshimet në etiketë dhe logo. Fatkeqësisht për momentin ekziston vetëm një specifikim i përgjithshëm që thotë se kapakët duhet të qëndrojnë të ngjitur në shishe pa specifikuar se cilat janë kushtet e sakta themelore që duhet të plotësohen. /tesheshi.com/
