Udhëheqësja e Mjamnarit, Aung San Suu Kyi, ka shkelur më së fundi në tokën ku aktualisht po shkruhet një tragjedi njerëzore, në krahinën Rakhine, ku prej javësh janë kryer masakra mbi popullsinë muslimane Rohingia, duke provokuar dhe një shpërngulje masive drejt Bangladeshit fqinj.
Zëdhënësi i qeverisë tha se ajo po viziton kryeqytetin e rajonit Sittwe dhe qytete të tjera gjatë një udhëtimi të paparalajmëruar njëditor, pa dhënë detaje të tjera rreth kësaj vizite, siç mund të jetë një takim me banorët Rohingia
Në një fjalim të para më shumë se një muaji, Suu Kyi dënoi abuzimet me të drejtat e njeriut, por nuk e fajësoi ushtrinë apo nuk foli për spastrim etnik.
Ajo është gjendur përballë kritikave të ashpra ndërkombëtare, madje deri dhe me paralajmëime për heqjen e titujve të nderit që mban, deri tek Nobeli për Paqe, pas asaj që u pa e po shihet në vendin e saj, masakra të ushtrisë mbi popullsinë civile. /tesheshi.com/
