Sirena alarmi u lëshuan këtë mbrëmje në veriun e Mitrovicës, duke përcjellë një ndjejnë të përzishme lufte, pasuar nga një bllokim me kamionë i rrugëve drejt pikëkalimeve kufitare të Jarinjës dhe Bernjak.
Ndodh kjo një ditë para zbatimit të vendimit të qeverisë së Kosovës për masa reprociteti në lejekalime kufitare si dhe targa automjetesh. E njëjta gjë ndodhi dhe muaj më parë për arsyen e targave, situatë e zhbllokuar me ndërhyrje të fortë ndërkombëtare.
Serbët, më saktë Beogradi zyrtar që i nxit ata të Veriut, kryesisht njerëz problematike dhe specifikisht kontrabandistë deri dhe kriminelë, nuk e ka pritur mirë vendimin e Prishtinës, dukle reaguar dhe me terma lufte, pasi më parë ka bërë viktimën, si gjithnjë, përgjatë gjithë historisë e deri në aktualitet, duke justifikuar kështu çdo krim lufte.
Policia e Kosovës ka bërë të ditur se janë mbyllur pikat kufitare në Jarinje dhe Bernjak, për shkak të bllokimit të rrugëve dhe ka bërë thirrje për qytetarët që të shfrytëzojnë pikat tjera kufitare.
“Policia e Kosovës ka mbyllur kufirin për qarkullim udhëtar dhe për automjete në pikë kalimet kufitare Bernjak dhe Jarinje, për shkak të bllokimit të rrugëve në drejtim të këtyre pikë kalimeve kufitare Jarinje dhe Bernjak. Njoftohen të gjithë qytetarët të shfrytëzojnë pikat tjera kufitare për qarkullim”, thuhet në njoftim.
Ndërkohë KFOR-i ka dalë në terren për të vëzhguar situatën.
Nga ana tjetër, forca të shtuara të Njësisë speciale të Kosovës kanë arritur tek ura e lumit Ibër, përfshirë edhe pjesëtarë të KFOR-it dhe karabinierët italianë. /tesheshi.com/
