Nisi sot në Mitrovicë ai që mund të konsiderohet një proces historik: puna për heqjen e barrikadës mbi urën e lumit Ibër, urë e cila lidh dy pjesë të qytetit, atë të veriut me atë të jugut. Kjo urë qëndron e mbyllur prej 16 vitesh, ku shkaktarë janë serbët e veriut.
Autoritetet e Kosovës e kanë cilësuar këtë si fryt të marrëveshjes mes Prishtinës dhe Beogradit dhe në këtë vazhdë, ministrja për Dialogun, Edita Tahiri e cilësoi këtë si një ditë të rëndësishme për Kosovën.
Ura e Mitrovicës pritet të hapet për këmbësorët dhe për automjetet në të dyja drejtimet dhe si afat është caktuar 20 janari i vitit 2017, kur do përfundojnë dhe punimet e rikonstruksionit të urës. /tesheshi.com/
