PDK-ja e Kadri Veselit ka akuzuar kreun e Komunës së Mitrovicës, Agim Bahtiri, se i ka vënë emrin e babës së tij, një rruge në një prej fshatrave të zonës, më saktë në Gushavc.
“Se Agimi gjatë gjithë kësaj kohe ka abuzuar me pushtetin, tregon edhe emërtimi i kësaj rruge në fshatin Gushavc, ne emer të babait të vet (Shaban Bahtiri). Abuzimit të tij me pushtet i ka ardhur fundi, këtë do ta vendosin qytetarët me 19 nëntor”, thuhet në reagimin e Degës së PDK-së në Mitrovicë.
Për më tepër, pretendohet se i ndjeri që tashmë është përjetësuar dhe në një rrugë fshati, nuk është njohur si ndonjë veprimtar i shquar në ndonjë fushë të caktuar.
E gjitha kjo ndodh në prag të raundit të dytë të zgjedhjeve vendore në Kosovë, ku palët sforcohen t’i gjejnë shkelje njëra-tjetrës, me qëllim dëmtimin e reputacionit. /tesheshi.com/
