Një prej hoxhallarëve të njohur të Mitrovicës, Fatmir Latifaj, i ka vënë djalit të sapolindur emrin Ademjashar, një gjë e pazakontë kjo deri më tani në nderim të figurës së njohur të ish-komandantit legjendar të UÇK-së.
Lajmin ai e ka postuar ai vetë, shoqëruar dhe me një kostum kombëtar të përmasave të një fëmije, në krye të së cilit është Kur`ani.
“Vëllezër! Allahu ma fali një djalë dhe emrin po ia lë Ademjashar. InshaAllah në shërbim të Islamit dhe Vatanit Amiiiin!”
Shkruan kështu hoxha Fatmir Latifaj, i njohur dhe si njeriu që ka zëvëndësuar Anton Çetën, një tjetër figurë legjendare e Kosovës, i cili u angazhua fuqishëm për pajtimin e gjaqeve në fillim të viteve `90.
Vitet e fundit, është pikërisht hoxhë Fatmir Latifi ai që po e kryen këtë mision, ku siç i ndjeri Anton Çeta kishte flokët e bardhë, ai ka çallmën e bardhë. /tesheshi.com/
