Presidenti i majtë i Nikaraguas, Daniel Ortega, 72 vjeç, nuk është shfaqur në publik për gati një muaj, dhe shumë dyshojnë se ai është i sëmurë rëndë ndërsa vendi i Amerikës Qendrore po lufton me koronavirusin,.
Ortega poti paraqitjen e tij të fundit në publik në 12 mars, kur përcolli një mesazh nga zyra e tij, ndërkohë që qeveria refuzoi të përcjellë ndonjë informacion se ku është presidenti dhe cili është shëndeti i tij.
Heroi i Revolucionit Nikaraguan të viteve 1980, ka pësuar më herët pësoi dy sulme në zemër.
Ish-guerilasi Ortega nuk është hera e parë që zhduket në mënyrë misterioze; gjashtë vjet më parë mungesa e tij e zgjatur madje nxiti spekulime se ai mund të ketë ndërruar jetë, ndërsa dhe në vitin 1998 u zhduk për disa javë pasi vajza e tij e birësuar e akuzoi atë për abuzim, gjë që ai e mohoi.
Nikaragua ka regjistruar shtatë raste infektimi me koronavirus dhe një vdekje deri më tani, por ekspertët po vënë në dyshim shifrat sepse qeveria nuk ka zbuluar se sa teste janë bërë. Nikaragua nuk ka ndërmarrë masën e distancë sociale apo të tjera antivirus, ndryshe nga El Salvadori dhe Hondurasi fqinj.
Ortega u zgjodh president në 1984, dhe pas pesë vjetësh u largua nga detyra për të fituar zgjedhjet presidenciale të 2007-ës. Mandati i tij skadon në fund të vitit 2022.
Kujtojmë së në kohën e komunizmit, Televizioni Shqiptar shfaqte filmin “Nikaragua ’79”, me protagonist kryesor Nik Nolte në rolin e një reporteri që ndiqte në terren zhvillimet e Revolucionit Nikaraguan. /tesheshi.com/
