Vizita e kreut të CIA-s, John Brennan, ka ngjallur shumë diskutime nga analistët e sigurisë në rajon por edhe më gjerë.
Kreu i agjencisë së spinazhit amerikan ka vizituar qendrën e ngritur në Ballkan për të koordinuar të gjithë informacionin e organizatës më të rëndësishme të inteligjencës në SHBA.
Ndërkohë që një pjesë mediash bënë të ditur se një nga arsyet e kësaj vizite ka qenë angazhimi i disa qytetarëve boshnjakë në radhët e ISIS, por të tjerë theksojnë se nuk ka qenë kjo arsyeja që kreu i CIA-s të vijë urgjent nga Riadi, ku ndodhej së bashku me presidentit Barack Obama.
Ajo që është thënë vetëm në pak rreshta ka qenë pikërisht shqetësimi në rritje i Uashingtonit zyrtar për një rritje të sinjaleve destabilizuese në Ballkan.
Bosnja është vendi më i brishtë, por tani në listë janë shtuar dhe Mali i Zi e Maqedonia.
Madje siç mësohet, SHBA ka informacione se sinjale të forta destabilizuese po vijnë dhe nga Shqipëria, për të krijuar kshtu një tjetër vatër jo stabiliteti, pikërisht kur u duk se gjërat po marrin një drejtim më të qetë.
Ndaj, mediat amerikane i kanë dhënë shumë peshë një deklarate të bërë për armatosjen e popullsisë, dalë nga goja e ish-liderit demokrat, njëherësh ish-kryeministër, Sali Berisha. Një vit më pare, në këtë periudhë ndodhi ngjarja e “Lagjes së Trimave”, e cila ishte një incident më shumë se i izoluar dhe i organizuar nga një grup i vogël.
Një grup serbësh të Bosnjës, ish-paramilitarë të kohës së luftës në Jugosllavi, janë të angazhuar në luftën civile në Ukrainën lindore përkrah forcave të ashtuquajtura separatiste. Këta paguhen nga shërbimi sekret rus për të mbajtur gjallë vatrën perëndimore të Rusisë.
Ndërkaq, vizita e kreut të CIA-s, siç theksojnë edhe media të Sarajevës ka edhe qëllimin për të stabilizuar në kryeqytetin boshnjak, qendrën që SHBA do ta ketë për të gjithë rajonin për t’iu kundërvënë një tentative destabilizuese.
Lëvizja e Uashingtonit bëhet njëkohësisht kur Moska ka ngritur në Nish të ashtuquajturën qendër humanitare, e cila nuk është gjë tjetër vetëm një komandë e shërbimit rus për Ballkanin.
Vizita e kreut të CIA-s në Sarajevë u krye pikërisht pas operacionit të madh ku u arrit të kapeshin sasi të mëdha armatimi me origjinë nga Rusia
Përgatiti: Ylli Pata – /tesheshi.com/
