Didier Fruchet, pronari i një klubi hipizmi jashtë Parisit me rreth 80 kuaj, shikon me ankth stallat e tij.
“Kur mbërrijmë në mëngjes nuk e dimë se çfarë do të gjejmë”, thotë Fruchet me një ankth të madh.
Ai dhe pasionantët e tjerë të kuajve në të gjithë Francën kanë arsye për t’u shqetësuar.
Vendi është tronditur në javët e fundit nga gjymtimi i më shumë se 150 kuajve, ku veshët dhe organet gjenitale të të cilëve janë prerë dhe lëkura e tyre është shqyer.
Motivi mbetet mister: urrejtja ndaj kafshëve? Një akt i ndonjë sekti të çmendur? Një sfidë rrënqethëse e përhapur në mediat sociale?
Më shumë fajtorë?
Hetuesit nuk kanë të dhëna të forta. Autoritetet thonë se sulmet përfshinin shumë autorë, metodat e të cilëve ndryshojnë në të gjithë vendin, duke komplikuar më tej hetimin.
Fruchet nuk i lë asgjë rastësisë dhe ka marrë masa paraprake në stallat e tij në qytetin e vogël të L’Isle Adam në rrethin Val-d’Oiseu, në veri të Parisit. Xhandarët gjithashtu patrullojnë zonën. Ai ka investuar në kamera vëzhgimi gjatë natës që zbulojnë lëvizjet. “Ne nuk na intereson sa kushton siguria e kuajve tanë”, tha ai.
Sulmi i parë në Val-d’Ois ndodhi të shtunën. Dy kuaj u plagosën por nuk vdiqën. Njëra ka të dëmtuara organet gjenitale dhe tjetra ka një prerje të gjatë 30 inç në hip.
Ka patur shkrime në media rreth gjymtimeve të kuajve pothuajse çdo ditë gjatë verës.
Policia fundjavën e kaluar kërkoi për dy të dyshuar në rajonin e Cote-d’Or, pasi një pronar raportoi një ndërhyrje të paautorizuar në një pronë ku u plagos një kal. Se sa seriozisht e merr policia këtë e tregon fakti se 40 xhandarë, qen policie dhe një helikopter u dërguan në fushë, por fajtorët nuk janë gjetur akoma.
Policia arrestoi të hënën të dyshuarin e parë në një hetim kombëtar. Ajo ndaloi një burrë të dyshuar për sulm ndaj tre kuajve në Yonne, sepse ai përputhej me përshkrimin e sulmuesit. Por më pas u la i lirë pa asnjë akuzë.
Kalorësja Eloise Lang e Coueron-it në Francën perëndimore ende është e tronditur nga sulmi ndaj kalit të saj Ambitieux.
“Unë pashë që ai kishte dhjetëra shenja plagësh me thikë. I kishte në shpatulla, ije, gjoks”, tha Lang. “Ne vështirë se flemë më, e mendojmë gjatë gjithë kohës”.
Sulme të ngjashme janë raportuar në 20 rajone franceze.
Ritet satanike?
“Ka rreth njëzet raste të veshëve të prerë, por sulme të tjera janë raportuar, të tilla si gjymtim i organeve gjenitale,” i tha AFP-së Shefi i Xhandarmërisë franceze, Hubert Percie du Sert.
Ai tha se kishte “shumë autorë dhe metoda të ndryshme të veprimit”.
153 hetime janë nisur në të gjithë vendin për dhunën ndaj kuajve, njoftoi ministri i Brendshëm Gerlad Darmanin.
Agjencia Kombëtare e Hetimit francez, La Miviludes, e cila merret me sekte dhe ndihmon në këtë hetim, nuk ka gjetur prova të riteve satanike, por kjo mundësi “nuk është përjashtuar ende”, tha Du Sert.
Autoritetet gjithashtu kanë frikë se sulmet e reja dhe dështimi i policisë për të gjetur fajtorët do të ushqejnë paranojën, madje edhe se disa mund të marrin drejtësinë në duart e tyre. Dy gra, një nënë dhe vajzë nga Britania, së shpejti do të shkojnë në gjykatë sepse kërcënuan njerëzit që i konsideruan fajtorë për sulmin ndaj kuajve.
Policia e konsideron të papranueshme që mbarështuesit e kuajve të marrin ligjin në duart e tyre. /tesheshi.com/
