Autoritetet malajziane kanë vendosur ta provojnë dhe njëherë fatin në gjetjen e avionit të zhdukur Malaysia Airlines MH370, i cili kishte 239 njerëz në bord.
Mund të quhet dhe “misteri i shekullit” zhdukja e këtij avioni, ndodhur në mars të vitit 2014, ku ende nuk ka asnjë të dhënë, asnjë shenjë, edhe pas një kërkimi prej 710.000 kilometra katrorësh në det, me mjetet nga më të specializuarat dhe me një kosto prej më shumë 112 milionë dollarësh.
Kërkimi u braktis kohë më parë, por qeveria e Malajzisë ka vendosur t’u rikthehet kërkimeve. Ajo ka pajtuar kompaninë Ocean Infinity me bazë në SHBA, e cila do të angazhohet në një zonë të re kërkimi në Oqeanin Indian, në rreth 25,000 kilometra katrorë.
Ka ende shpresë pra, jo thjesht për gjetjen e mbeturinave të avionit, por dhe të zbardhjes së misterit që e ka shoqaruar zhdukjen e tij me mbi 200 jetë njerëzore brenda. /tesheshi.com/
