Misteri i vdekjes së kryespiunit rus Igor Sergun që shërbeu në Shqipëri

Një nga tre kryespiunët e Rusisë ka gjetur vdekjen në rrethana ende të pasqaruara, një muaj pas vdekjes së një kryeushtaraku tjetër, i cili gjithashtu kishte lidhje me  operacionet më të rëndësishme të Rusisë vitet e fundit.

Gjeneral-Kolonel Igor Sergun, kreu i Shërbimit Sekret Ushtarak GRU, ka vdekur papritur në moshën 58-vjeçare.

Një nga zyrtarët kryesorë të përfshirë në operacionet ruse në Ukrainë dhe Siri, gjenerali Sergun, një nga kulmet e karrierës së tij e ka pasur kur ka shërbyer në fillimin e luftës së Kosovës në vitin 1998 si atashe ushtarak i Moskës në Shqipëri.

Ai u emërua në Tiranë pas një karriere që në vitin 1984 në agjencinë shumë të fuqishme, kundërzbulimin ushtarak GRU.

Me rënien e KGB-së famëkeqe, Rusia sot ka tre agjenci spiunazhi: FSB, Agjencinë për Sigurinë Kombëtare; FSK-në, që është shërbimi inteligjent për jashtë shtetit; dhe GRU-në, që është kundëzbulimi ushtarak me një fuqi të rritur kryesisht pas ardhjes së Vladimir Putinit në krye të Kremlinit.

I ndjeri Sergun komunikonte në shumë gjuhë të huaja të cilat i njihte shumë mirë, ndërkohë që sipas britanikes Dailymail, ai ka punuar edhe në Ish-Jugosllavi. Në postin e kreut të GRU u emërua në vitin 2011 nga vetë presidenti Putin.

Ky institucion ka në varësi direkte 25 mijë efektivë të të tmerrshmit Spetsnaz, skuadër e përbërë nga trupa speciale elitë që kryejnë operacione mbulimi.

Pikërisht, GRU dhe gjenerali Igor Sergun ka drejtuar operacionet në Krime, Ukrainë dhe së fundmi në Siri. Madje në këtë vend Shërbimi Ushtarak Rus ka pasur dorë të lirë dhe ka vepruar duke investuar shuma të mëdha.

Presidenti rus Putin, i ka dërguar një telegram ngushëllimi të vesë së gjeneralit dhe dy vajzave jetime.

“Ai ka qenë i respektuar për profesionalizmin, natyrën humane, nderin dhe integritetin”, shkruan Putin në telegramin e tij.

Presidenti rus i dha gradën Gjeneral-Kolonel vetëm përpara 11 muajve.

Vdekja e Sergun është e dyta në radhët e kupolës së ushtrisë rusë vetëm brenda pak javëve.

Gjeneral Alexander Shushukin, 51 vjeç komandanti i parashutistëve, (një tjetër repart elitë që mbahet mbend për ndërhyrjen e ashpër në Kosovë në vitin 1999 e që drejtoi operacionin në Krime, vdiq nga një ataku në zemër.

Ndërkaq, Sergun ishtë në detyrë në krye të GRU-së kur avioni i Malaysia Airlines MH17 u rrëzua në Ukrainë, me humbjen e jetëve të 298 pesonave e.

Shërbimi Sekret Ushtarak u akuzua nga Kievi dhe Perëndimi për furnizimin e rebelëve të Ukrainës Lindore me raketa BUK që mund të rrëzonin avionët.

Javën e shkuar, ish-spiuni i KGB-së, Boris Karpichkov, tani në ekzil në Britaninë e Madhe, deklaroi se GRU është prapa rrëzimit të avionit rus në Gadishullin e Sinait ku humbën jetën 224  vetë.

Ai akuzoi Perëndimin se synon të krijojë vende satelite për të bllokuar zonën strategjike kufitare ndërmjet Rusisë dhe Kinës. /tesheshi.com/