Ka rënë në sy gjatë takimit të Sekretarit Amerikan të Shtetit, John Kerry me delegacionin zyrtar të Partisë Demokratike, edhe prezenca e zotit Berisha.
Natyrisht jo të ish-kryeministrit dhe liderit historik të PD-së, se në fakt protokolli ishte prezantuar që një ditë më parë dhe diheshin emrat e pjesëmarrësve në takim.
Por nuk dihej prezenca e Mal Berishës, i cili deri pak kohë më parë ishte ambasadori i Shqipërisë në Mbretërinë e Bashkuar dhe tani siç duket është këshilltar diplomatik i Partisë Demokratike.
Mal Berisha është një diplomat jo me karrierë të gjatë, por ka një eksperiencë më të madhe si studiues i marrëdhënieve ndërkombëtare.
Ai ka shkruar mjaft artikuj për politikën e jashtme dhe gjatë viteve 2000-2002 ku mw dendur në shtypin e Kosovës.
Megjithatë, prezenca e tij në takim, ku dhe shkëmbeu disa fjalë me kryediplomatin amerikan nuk u la pa komente nga qarqe të ndryshme.
Ambasadori Berisha njihet për lidhje të afërta familjare me liderin historik të PD-së dhe megjithëse ai është një diplomat profesionist tashmë, disa qarqe politike e komentuan prezencën e tij në takimin me Kerry, jo thjesht si një promovim dhe prezantim në publik, por si një sinjal të zotit Sali Berisha se ai është në dijeni të gjithçkaje çfarë do të ndodhte në takimin me Sekretarin Amerikan të Shtetit.
Informacioni ka qenë gjithmonë pika e dobët e Doktorit (siç e thërrasin mbështetësit), sidomos ai i dorës së parë, dhe natyrisht nga shumë këndvështrime.
Ndërkaq, vetë ish-kryeministri nuk mund të linte pa komentuar vizitën e Sekretarit John Kerry në Tiranë. Dhe komentin e ka hartuar me mjaft kujdes ku mund të lexohen mjaft mesazhe mes rreshtave. Si foto nuk ka vënë atë të Lulzim Bashës me Sekretarin e Shtetit por të Presidentit Bujar Nishani, çka sipas gjasave është një tjetër mesazh i koduar i Doktorit…
Postimi i Plotë i ish-kryeministrit Sali Berisha
“Vizite historike e sekretarit John Kerry ne Shqiperi!
Sot erdhi per nje vizite miqesore, historike ne Shqiperi, Sekretari amerikan i Shtetit, John Kerry.
Kjo vizite, qe eshte e pesta e nje sekretari shteti ne Tirane qe nga viti 1991, eshte deshmi e vleresimit dhe ndjenjave miqesore qe SHBA kane per Shqiperine dhe shqiptaret.
Vizita e sekretarit Kerry, takimet, mesazhet e tij publike jane nje mbeshtetje e madhe per perpjekjen e Shqiperise dhe shqiptareve ne luften kunder krimit te organizuar, korrupsionit dhe rrugen e integrimit, sigurise dhe zhvillimit.
Sekretari Kerry, krahas pushtetareve, zhvilloi nje takim te veçante shume te rendesishem me kryetarin e Partise Demokratike dhe degjoi zerin e opozites mbi gjendjen tejet te rende te krimit te organizuar, lidhjet e tij te tmerrshme me Ramen dhe qeverine e tij, korrupsionin e permasave gjigande te qeverise dhe rrenimin e zgjedhjeve nga Edi Rama.
Kryetari i PD Lulzim Basha dhe udheheqja e PD u takuan me sekretarin Kerry, duke qene kontributor kryesor dhe promotori i ligjit dhe procesit te dekriminalizimit, per te cilin qeveria e SHBA dha nje kontribut thelbesor.
Kjo vizite behet dhe ne kuadrin e 25 vjetorit te rivendosjes se marredhenieve diplomatike me 15 mars te vitit 1991 midis dy vendeve tona, akt historik qe ndodhi vetem tre muaj pas themelimit te PDSH dhe qe u be i mundur nga vendosja e pluralizmit politik ne Shqiperi. Sb”
/tesheshi.com/
