Një iftar i organizuar në ambientet e brendshme të një shkolle në Maqedoni, ka nxitur jo vetëm reagimin e opinionit, por dhe të shtetit, gjë ka çuar në ndëshkimin e drejtoreshës së saj.
Bëhet fjalë për shkollën “Kërste Petkov Misirkov” në Radovish dhe drejtoreshën Ogllica Stojanovska.
Më vendim të Inspektoriatit Arsimor në Maqedoni, shkolla do të duhet të paguajë një gjobë prej 1.600 eurosh, ndërsa drejtoresha Stojanova, si person përgjegjës është dënuar me 1.120 euro gjobë.
Nga inspektorati kanë paralajmëruar se gjithashtu do të kërkohet edhe shkarkimi drejtoreshës për shkak se ka lejuar organizim fetar, diçka që është në kundërshtim me ligjin.
Inspektoriati thekson se përveç iftarit e thirrjes së ezanit, aty, pikërisht në ambientet shkollore, ka qenë present dhe një hoxhë i cili ka mbajtur ligjëratë fetare.
Një fakt tjetër interesant që poashtu tërheq vëmendjen është pikërisht qyteti në të cilin ka ndodhur ky zhvillim, Radovishi.
Në Radovish, në bazë të regjistrimit të fundit të popullsisë mbi 86 përqind e popullatës janë maqedonas. Më saktë: nga gjithsej16.223 banorë, 13991 maqedonas, 1927 turq, 181 romë, 20 vllehë, 60 serbë, 1 boshnjak, dhe vetëm 1 shqiptar, po dhe 42 nga komunitete tjera.
Gjithashtu edhe nga aspekti fetar sa i përket përfaqësimit të banorëve, në këtë qytet dominojnë krishterët me 85 përqind, ose 13 912, pastaj vijnë muslimanët 2116, katolikët 11 banorë, si dhe 3 protestantë.
Pra, muslimanët aty janë minorancë. E si ka mundësi që duket qenë të tillë, kanë arritur të imponojnë shtrim iftar në ambient shkollor? Vetëm nëse kanë patur dhe dashamirsinë e faktorit qytetar e institucional maqedonas, gjë që në fakt duket nga të qënit e drejtoreshës me kombësi maqedonase…/tesheshi.com/
