Italia është përfshirë sërish nga ethet e zbulimit të një misteri të madh, pasi punëtorët gjetën mbetje kockore njerëzore në ambasadën e Vatikanit në Itali dhe policia po heton rastin.
Mediat italiane kanë raportuar se ekspertët mjeko-ligjorë janë duke u përpjekur për të përcaktuar nëse është fjala për eshtrat e Emanuela Orlandit, vajzës 15-vjeçare, banore në Vatikan, e zhdukur që në vitin 1983.
Vatikani deklaron se pjesë të eshtrave u zbuluan gjatë rinovimit të Ambasadës së Selisë së Shenjtë, jo shumë larg Galerisë Borghese në Romë.
Hetimi drejtohet nga Kryeprokurori Giuseppe Pignatone.
Zhdukja e Emanuela Orlandit është një nga misteret më të mëdha të historisë moderne italiane. Ajo u rrëmbye më 22 qershor 1983 pasi u largua nga shtëpia e saj në Vatikan për të shkuar në në Romë në një shfaqje muzikore. Atëherë ajo ishte 15 vjeçe. Babai i saj ishte nëpunës në Selinë e Shenjtë.
Zhdukja e saj ishte e lidhur fillimisht me një përpjekje të mundshme të personave të panjohur për ta marrë peng si presion për lirimin e Mehmet Ali Agça, atentatorit turk të Papa Pavlit të II në vitin 1981.
Në vitin 2005, një telefonues anonim tha në një program televiziv se rrëmbimi i vajzës u krye nga Enrico De Pedis, një gangster i cili ishte në atë kohë në krye të një bande famëkeqe e cila terrorizonte Romën, dhe se ishte varrosur bashkë me të. Policia hapi varrin e tij në vitin 2012, por aty gjendeshin vetëm eshtrat e De Pedisit të vrarë në vitin 1990. /tesheshi.com/
