Me gjithë kërkimet e jashtëzakonshme, nga avioni i kompanisë ajrore Malaysia Airlines që u zhduk në 2014-n me 239 njerëz në të, e që fluturonte nga Kuala Lumpuri për në Pekin, nuk është gjetur asgjë.
Kërkimet nënujore janë deklaruar të pezulluara, ndërsa tre vende, Australia, Kina dhe Malajzia, thonë se nuk janë në gjendje ta zgjidhin një prej mistereve më të mëdha në historinë e aviacionit.
Këto tre vende ranë në një mendje në korrik që t’i pezullonin kërkimet nëse ato nuk jepnin rezultat. Anija e fundit ka hequr dorë nga kërkimi të martën, pasi nuk ka patur asnjë të re në operacionet e kërkimit në fundin e Oqeanit Indian.
Për Australinë, Kinën dhe Malajzinë, vendimi u mor me pikëllim pas kërkimit në 120 mijë kilometra katrorë të oqeanit në fjalë.
“Pavarësisht çdo përpjekjeje… kërkimi nuk ka qenë në gjendje ta lokalizojë vendndodhjen e avionit,” thuhej në deklaratën përkatëse.
Deri më tani, vetëm shtatë prej njëzet pjesëve të mbetjeve të gjetura në zonë pretendohet t’i përkasin avionit të zhdukur këtu e gati tre vite të shkuara.
Me pezullimin e kërkimeve, pikëpyetjet mbi atë se çfarë ngjau me fluturimin MH370 duket se do të mbeten përgjithmonë. /tesheshi.com/
