Bashkimi Europian do të nisë një operacion të ri në Mesdhe për të interceptuar barkat që trafikojnë refugjatët. Sipas operacionit të ri të quhet Sofia, mjetet e marinës do të kenë të drejtën të ngjiten në bord, të kërkojnë, kapin apo kthejnë pas mjetet lundruese që dyshohet se përdoren për trafik të qënieve njerëzore.
Deri më tani, BE është fokusuar në misionet e veta në Mesdhe në operacione shpëtimi dhe mbikqyrjeje.
Deri tani, më shumë se 130 mijë refugjatë kanë kaluar përmes Mesdheut në Europë, duke u nisur nga brigjet e Afrikës së Veriut. Më shume se 2700 kanë humbur jetën.
Kriza e refugjatëve pritet të jetë një nga pikat që kancelarja gjermane Angela Merkel dhe presidenti francez, Francois Hollande kanë përfshirë në një adresim të përbashkët e të rrallë të tyre në parlamentin Europian në Strasburg.
Fjalimi i mëparshëm i kësaj natyre ka qenë në vitin 1989 mes presidentit Mitterrand dhe liderit gjerman Helmut Kohl.
Kufizimi i vetëm i anijeve të marinës së BE-së do të jetë se ato duhet të qëndrojnë në ujëra ndërkombëtare e të mos shkelin ujërat e Libisë. Nuk është e qartë nëse pesë anije ushtarake, me helikopterë e dronë, do të përbëjnë forcën e mjaftueshme për të reduktuar numrin e anijeve që trafikojnë refugjatë në Europë. /tesheshi.com/
