Vizita e Komisionerit Hahn në Prishtinë, ku si kryetemë pati heqjen e taksës doganore 100 përqind për mallrat nga Serbia e Bosnja, nuk e ka zbrapsur kryeministrin Haradinaj. Shefi i qeverisë së Prishtinës ishte i qartë kur tha se “ky vendim mund të anulohet me rastin e njohjes së Pavarësisë së Kosovës nga Serbia. Ne do punojnë që tani për një marrëveshje gjithëpërfshirëse, për borxhet, të zhdukurit, të drejtat e komunitetit serb në Kosovë e plotë tema tjera e një nga to do të jetë edhe tregtia e lirë mes Kosovës dhe Serbisë”.
Por po ashtu, dhe Hahn u shpreh pa dorashka për vendimin e qeverisë së Prishtinës.
“Ne të gjithë kemi qenë të befasuar dhe në një mënyrë të zhgënjyer dhe kjo nuk është diçka që nuk duhet të mbetet në fuqi”, ka thënë diplomati i Brukselit.
Nga ana e tij, Haradinaj e ka sqaruar se taksa nuk do ketë asnjë efekt te popullsia civile serbe.
“Nëse qeveria e Kosovës ka informata se ka ndonjë krizë të ndonjë produkt vital, ne jemi në gjendje t’i furnizojmë. Spitalet apo ambulancat, nuk do të ju mungojnë ilaçet, për të gjithë”, theksoi Haradinaj, duke ofruar dhe listën e të gjithë produkteve që lejohen të hyjnë në Kosovës, duke qenë se vijnë si donacione.
Nga ana tjetër, Hahn është detyruar të shpjegohet dhe lidhur me vizat, pika tjetër ku po ndahen Kosova dhe Brukseli. Sipas njeriut të Brukselit, duhet patur durim.
“Më besoni se edhe unë jam nganjëherë i padurueshëm. Ne kemi bërë më të mirën e mundshme rreth kësaj çështje, dhe tani kërkoj nga ju që të keni durim edhe disa muaj që të marrim edhe pëlqimin e të gjitha shteteve anëtare – këto janë rregullat e lojës”, ka shpjeguar Hahn. /tesheshi.com/
