Misioni i mëparshëm Titan: kur piloti humbi kontrollin e pasagjerët u tmerruan

Piloti i nëndetëses Titan gjatë një misioni të mëparshëm humbi kontrollin e nëndetëses, pas së cilës ajo filloi të rrotullohej 360 gradë, ndërsa pasagjerët e frikësuar prisnin ndihmë.

Pesë pasagjerët ishin brenda 300 metrave nga Titanic-u gjatë një misioni vitin e kaluar kur piloti Scott Griffith tha se kishin një problem, fjalë që askush nuk dëshiron t’i dëgjojë 4000 metra nën sipërfaqen e detit.

Pamjet nga brenda nëndetëses, të filmuara si pjesë e një dokumentari të BBC-së të vitit 2022, tregojnë një ekuipazh të shqetësuar duke dëgjuar Griffith-in duke u thënë atyre se diçka nuk shkon me shtytësit e Titanit.

Ky problem teknik bëri që nëndetësja të rrotullohej në mënyrë të pakontrolluar, duke mos mundur të shkonte përpara ose prapa. Në video shihet pasagjerja me kokën në duar, ndërsa të tjerët presin në agoni ndihmën e anijes mëmë.

Në dokumentarin, i cili është i disponueshëm vetëm jashtë SHBA-së, Griffith i shqetësuar u tha pasagjerëve: “Nuk e di se çfarë po ndodh, ndihem sikur… Nuk e di se çfarë po ndodh. Ka diçka që nuk shkon me shtytësit e mi“, thotë ai me fytyrë të shqetësuar ku mund të shihet duke punuar në një kompjuter përpara se të pyeste ekuipazhin, i cili po shikonte përmes kapakut të nëndetëses, nëse po kthehej.

Pamjet shfaqin meksikanen Reneta Rojas, e cila në një intervistë pas misionit, i tha BBC-së se mendonte se nuk do t’ia dilte.

“Ne ishim 300 metra larg Titanic-ut dhe nuk mund të bënim asgjë tjetër veçse të bënim rrotullime,” tha ajo.

Një tjetër pasagjer, Oisin Fanning, tha: “Po mendoja, oh jo, mos më thuaj se jemi 300 metra nga Titanic-ut dhe do të na duhet të dalim në sipërfaqe”.

Dokumentari tregon Stockton Rush, CEO i OceanGate, i cili shpërtheu muajin e kaluar në misionin e tij të ri në TitaniC, duke u përpjekur maksimalisht për të ndihmuar ekuipazhin e nëndetëses nga anija mëmë 3,800 metra më lart. Rush ishte në mesin e pesë pasagjerëve që humbën jetën kur Titani u shpërtheu.

Në dokumentar, gjithashtu mund të dëgjohet Rush duke pranuar se ai ka thyer disa rregulla gjatë krijimit të Titan, duke e krahasuar veten me gjeneralin amerikan Douglas MacArthur.

 “Unë do të doja të kujtohesha si një novator. Mendoj se gjenerali Mac Arthur tha që të mbahesha mend nga rregullat që ti thyen. Unë theva disa rregulla për ta bërë këtë. Mendoj se i mbulova me logjikë dhe inxhinieri të mirë në prapaskenë”, tha ai, shkruan Daily Mail. /tesheshi.com/