Së shpejti, shqiptarët mund të lëvizin pas viza drejt Emirateve, shtetet i Dubait të famshëm, që njëherësh ama është bërë dhe strehë për të kërkuar nga drejtësia.
Të dyja janë trajtuar mes homologëve arabë dhe shqiptarë, siç bën të ditur ky i fundit në një postim, gjatë një vizite në Abu Dhabi.
“Abu Dhabi – Një bisedë e ngrohtë dhe miqësore me Shkëlqesinë e Tij Sheik Saif bin Zayed Al Nahyan, Ministër i Brendshëm i Emirateve të Bashkuara Arabe, me të cilin diskutuam për çështje të përbashkëta të sigurisë dhe të raporteve mes dy vendeve tona. Ndajmë sfida të përbashkëta, por edhe mundësi për të ardhmen.
Jemi gati për nënshkrimin e marrëveshjes dypalëshe, për më shumë mundësi dhe efektivitet në luftën kundër krimit të organizuar, luftën kundër terrorizmit, por edhe për shkëmbim njohurish dhe modernizim të teknologjisë në Policinë e Shtetit.
Bashkëpunimi ynë në këto fusha sjell impakt pozitiv edhe në drejtim të ekonomisë, për nxitjen e investimeve dhe zhvillimin e mëtejshëm të turizmit.
Në funksion të këtij sektori me interes të dyanshëm teksa kemi bërë tashmë një hap cilësor me fluturimet e linjave ajrore direkte, u dakordësuam edhe për lëvizjen e lirë pa viza të shqiptarëve drejt Emirateve të Bashkuara Arabe”, shkruan ministri i Brendshëm Bleci Çuçi. /tesheshi.com/
