Bashkimi Evropian BE po përgatitet të marrë hua 800 miliardë euro deri në vitin 2026 për realizimin e një fondi rikuperimi që është pranuar për të luftuar pasojat ekonomike të shkaktuara nga pandemia COVID.
Sot, Komisioneri Evropian për Buxhetin Johannes Hahn prezantoi strategjinë për financimin e fondit të rimëkëmbjes “Brezi i Ri BE”. Kjo paketë rikuperimi është përgatitur për të kapërcyer krizën ekonomike të shkaktuar nga pandemia globale.
Hahn tha se Komisioni Evropian çdo vit do të mbledhë deri në 150 miliardë euro nga tregu i kapitalit për të financuar paketën e rimëkëmbjes.
“Komisioni Evropian do të përdorë një strategji të larmishme financimi për të mbledhur rreth 800 miliardë euro me çmime aktuale deri në 2026,” tha Hahn.
Siç shpjegoi ai, burimet që do të mblidhen do të jenë në kushte të favorshme, pas së cilës ato do të transferohen në vendet anëtare në përputhje me planet e investimeve dhe reformave.
Hahn tha se borxhi për këtë qëllim do të shlyhet deri në vitin 2058, duke filluar nga viti 2026, duke vënë në dukje se ata tashmë janë duke punuar në një propozim për legjislacionin mbi këtë çështje, i cili do të shpallet në fund të qershorit.
Pas negociatave të gjata, vendet anëtare të BE arritën një marrëveshje në dhjetor të vitit të kaluar për një fond të rimëkëmbjes prej 750 miliardë euro. /tesheshi.com/
