Nga data 1 janar shqiptarët do të paguajnë 10 lekë më shumë çdo litër gaz që do të blejnë. Komisioni i Ekonomisë miratoi me votat e maxhorancës taksën e re për qytetarët qytetarët që përdorin automjete me gaz.
Qeveria kishte propozuar nivelin 13 lekë për litër, por me kërkesën e deputetëve të LSI, taksa u ul në 8 lekë.
“Ne ishim për heqjen fare të kësaj akcize, por meqenëse jemi të kompromisit e diskutuam me ministrin dhe ramë dakord të ngelet 8 lekë për litër”- u justifikua deputeti i LSI, Përparim Spahiu.
Vendosja e akcizës në masën 8 lekë për litër çon automatikisht në rritjen e çmimit të gazit deri në 10 lekë për çdo litër duke përfshirë dhe efektin që vjen nga tatimi mbi vlerën e shtuar.
Opozita e kundërshtoi taksën, pasi sipas saj, ajo do t’i rëndojë qytetarët, megjithatë ajo u miratua vetëm me votat e mazhorancës./tesheshi.com/
