Me 72 vota “pro” dhe dy abstenime, Kuvendi i Kosovës sot miratoi projekt-rezolutën e propozuar nga AAK-ja dhe NISMA për rrënimin e murit në Mitrovicë, e ndërtuar ilegalisht nga serbët.
Përmes kësaj rezolute kërkohet që muri të rrënohet në muajin janar të vitit të ardhshëm dhe që qytetarët sa më parë të kthehen në dy pjesët e qytetit.
Nga projekt-rezoluta janë hequr dy pikat e para; shkarkimi i ministres Edita Tahiri dhe ndërprerja e dialogut me Serbinë, deri në njohjen e Kosovës, pika për të cilat u bë debat i ashpër në seancën e së premtes së javës së kaluar.
Kjo është rezoluta e plotë:
1-Të rrënohet muri ilegal në pjesën veriore të Mitrovicës-kjo të ndodhë brenda muajit janar të vitit 2017.
2-Qeveria e Kosovës të angazhohet që organet komente për trajtimin e ndërtimeve pa leje, të ndërmarrin të gjitha veprimet ligjore për murin që është në ndërtim e sipër në pjesën e Urës së Ibrit, i njëjti të trajtohet si veprim politik dhe ndërtim pa leje.
3-Qeveria e Kosovës, të merr masat e nevojshme që të mos ndryshohet plani i Urës së Ibrit dhe e njëjta t’i përmbajë të gjitha elementet e nevojshme që të mos ndryshohet plani i Urës së Ibrit dhe e njëjta t’i përmbajë të gjitha elementet që i kishte para 1999-tës, e oj t’i shtohen elemente tjera ilegale siç është muri dhe shkallët.
4-Të bëhet e mundur që sa më parë qytetarët të kthehen në pronat e tyre në të dy pjet e qytetit të Mitrovicës. /tesheshi.com/
