Një projektrezolutë që parashikon shpalljen si organizatë terroriste të FETÖ-s, lëvizjes që organizoi puçin ushtarak në Turqi, është paraqitur sot në një takim përgatitor të Organizatës së Bashkëpunimit Islam.
Ky takim nisi ditën e djeshme në Xheda të Arabisë Saudite, e do të vijojë deri të enjten. Në të do të diskutohet rreth përgatitjeve për Samitin e 43-të të Këshillit të Ministrave të Jashtëm të OBI-t, ku projektrezoluta do të paraqitet për ratifikim.
Samiti do të mbahet gjatë muajit tetor në Tashkent, në kryeqytetin e Uzbekistanit.
Projektrezoluta u miratua në takimin përgatitor nga të gjithë përfaqësuesit e shteteve anëtare të Organizatës së Bashkëpunimit Islam. Përjashtim bëri vetëm përfaqësuesi i Egjiptit, që mungesën e vullnetit për aprovimin e projektrezolutës e justifikoi me arsye ligjore.
“Sa për projektrezolutën e tanishme, duhet të këshillohemi së pari me Kajron për t’i diskutuar procedurat ligjore të përfshira,” deklaroi përfaqësuesi egjiptian në takimin përgatitor të OBI-t.
Mësohet se projektrezoluta është paraqitur me kërkesë të Turqisë. /tesheshi.com/
