Elisa Lee është një 17-vjeçare që ka krijuar një miqësi të jashtëzakonshme me qenin Ralph. Qeni që jeton afër shkollës së Elisës. Ai e vendos kokën e tij nën portë duke e pritur që ajo ta përkëdhelë para se të shkojë në mësim.
“Hera e parë kur e vura re ishte kur po kthehesha nga shoku im, Jason. Ai e vendosi kokën poshtë portës dhe unë duke qenë një adhuruese kafshësh dëshiroja ta adoptoja. Gjithsesi, mamaja ime më ka paralajmëruar rreth adoptimit të qenve sepse shumica e tyre janë agresiv,” – ka thënë ajo për metro.co.uk
Çdo ditë, Ralph pret me padurim që Elisa ta vizitojë dhe kur asaj i duhet të largohet, qeni trishtohet. Elisa e mësoi emrin e qenit pasi foli me pronarin, i cili i bëri të ditur se Ralph është 1 vjeç./tesheshi.com/
