Gruaja që drejton Mbrojtjen shqiptare, Olta Xhaçka, ka nderuar një ish-pesëshe të njohur të Partizanit në basketboll për meshkuj: Naim Pilku, Njazi Lleshi, Muhamet Përmeti, Qemal Shalsi dhe Astrit Greva.\
Bëhët fjalë për yje të koshit shqiptar mes viteve ’70-’80 që në fakt nuk e kanë patur shumë Edi Ramën e Dinamos nëpër këmbë, pasi ky i fundit është brez më i vonë se ata – fundi i viteve ’80.
Por pesëshja e njohur i përkiste të kuqve të Partizanit, një rivale kokë për kokë e Dinamos në atë kohë, pasi të dyja ekipet ishin maja e basketbollit shqiptar për më shumë se dy dekada. Pas tyre vinte Vllaznia e Shkodrës.
“Ndjej shumë krenari për klubin Partizani, ish-klubin sportiv të ministrisë së Mbrojtjes, që kapërceu 7 dekada suksesi, duke qendruar “lokomotivë” e sportit shqiptar në më shumë se 20 disiplina. Ndjej kënaqësi për gjithsecilin qe i japim një dekoratë sot, veçanërisht për mikun e familjes time, Astrit Grevën, i cili do të kishte ardhur sot, duke sfiduar sëmundjen në emër të dashurisë për jetën. Partizani është shumë i ri, është i ri si shpirti i Astritit, është i ri si zhdërvjelltësia e Njazi Lleshit, për të cilin thonë që suksesin më të madh e pati me ekipin e vajzave të basketbollit”, tha Xhacka, duke i thurrur kështu elozhe ekipt të Ministrisë së Mbrojtjes në kushtet e komunizmit, e që eprori saj politik, Edi Rama duhet ta ketë urryer atë botë…në emër të rivalitetit sportiv. /tesheshi.com/
