Ministrja e Mbrojtjes, Olta Xhaçka, ishte sot në komisionin e Sigurisë duke iu përgjigjur një kërkese të demokratëve të cilët kërkonin sqarime rreth negociatorëve që do jenë pjesë e marrëveshjes së re të detit me Greqinë.
Dhe siç pritej, debati u përqëndrua mbi Artur Meçollarin, të cilin PD e konsideron spiun. Por Xhaçka mbrojti vartësin e saj duke thënë se:
“Artur Meçollarin e kam takuar për herë të parë në jetën time në fund të nëntorit 2017. Meçollarin e takova në Kabul ku ishte ushtaraku më i lartë shqiptar në misionin e NATO-s. E pranova kërkesën e komisionit për të sqaruar disa fjali të hedhura qëllimisht lart e poshtë. Akuzat, për të poshtëruar jo një individ, por një proces të tërë që ka të bëjë me të ardhmen e Shqipërisë. Çështja e delimitimit te hapësirave detare është një çështje sa komplekse dhe delikate. Në vitin 2012, Meçollari u largua nga detyra padrejtësisht, arsyet e vërtetë janë se nuk pranoi të firmoste për disa baza detare nga plani i përhapjes. Mecollari nuk pranoi t’ua jepte bazat detare, miqve dhe familjarëve të Berishës. Deri këtu shihet se Mecollari nuk ka punuar kundër interesave të vendit. Një padrejtësi të madhe i është bërë të gjithë atyre që nuk iu bindën urdhrit politik. Meçollari dhe 15 drejtues të FA nuk iu bindën urdhrave politike”, tha gruaja ne krye të Mbrojtjes shqiptare. /tesheshi.com/
