Ministrja teknike e Arsimit dhe Sportit, Mirela Karabina, e cila u emërua në këtë detyra me propozim të PD-së, është ankuar sot publikisht për vartësin e saj, Sekretarit të Përgjithshëm të kësaj ministrie, Plarent Ndreca.
Pasi ka njoftuar pezullimin nga detyra të drejtoreshës së Drejtorisë Arsimore Rajonale Vlorë, Albana Hodaj, Karabina bën dhe një ankesë publike ndaj vartësit të saj direkt, të cilin e ka gjetur në ministri nga administrata e Lindita Nikollës.
Në një njoftim për shtyp thotë se urdhërat e saj për mospërfshirje në fushatë janë kundërshtuar nga Ndreca, i cili, sipas saj, ushtron presion tek administrata arsimore në rrethe në kundërshtim me urdhërin e ministres.
“Sjellja dhe veprimet e znj.Hodaj, përveç se në shkelje të plotë të etikës institucionale, janë në kundërshtim të plotë me përcaktimet ligjore dhe përgjegjësitë e detyrave të nëpunësve të administratës publike, të shfaqura jo vetëm në këtë takim pune të titullarit të Ministrisë së Arsimit dhe Sportit, por edhe në drejtori të tjera rajonale të arsimit është konstatuara janë të imponuara nëpërmjet presionit të ushtuar mbi nga ta nga ana e Sekretarit të Përgjithshëm të Ministrisë së Arsimit dhe Sportit z.Plarent Ndreca”, – thuhet në njoftimin e Ministrisë së Arsimit dhe Sportit. /tesheshi.com/
