Të martën, kryeministri suedez Ulf Kristersson emëroi 26-vjeçaren Romina Pourmokhtari si Ministre për Klimën dhe Mjedisin, duke u bërë kështu ministrja më e re në historinë e Suedisë.
Pourmokhtari është një nga pesë ministrat e Partisë Liberale në qeverinë prej 23 anëtarësh.
Ministrja e re, e cila deri më tani ishte lidere e Liberalëve të Rinj dhe do të japë dorëheqjen nga kjo detyrë muajin e ardhshëm, është dalluar me kritika të rregullta për aleancën me partinë nacionaliste Demokratët e Suedisë (SD).
“Ulf Kristersson pa SD – absolutisht. Ulf Kristersson dhe SD – jo faleminderit”, shkroi Pourmokhtari në Tëitter dy vjet më parë.
Partia SD kundër emigrantëve nuk do të ketë ministra në këtë kabinet, por do të jetë pjesë e qeverisë se re në nivel të sekretarëve të shtetit.
Pa shumë përvojë në çështjet klimatike, ministrja e re, e lindur në nëntor 1995 në periferi të Stokholmit në një familje iranianësh, do të marrë përsipër departamentin e klimës dhe mjedisit në një vend ku aktivistja më e re e klimës, Greta Thunberg, 19 vjeçe, shpesh kritikom Suedinë, vendin e saj, se nuk bën sa duhet për mbrojtjen e planetit. /tesheshi.com/
