Ministrja e Arsimit Besa Shahini, shpalosi qëndrimin e saj pas takimit me pedagogët, me ata të cilët kërkojnë shfuqizimin e Ligjit të Arsimit të Lartë, por dhe Paktit për Universitetin.
“I ftova për t’u shpjeguar paktin për universitetin, dhe se kemi qëllim të përbashkët, përmirësimin e cilësisë së Arsimit të Lartë. Nuk u dakordësuam, por është krejt normale. Takimi shërbeu për të shuar edhe keqkuptime që disa pedagogë kishin për paktin, ne do të vazhdojmë t’i dëgjojmë të gjithë, por do të vijojmë duke udhëhequr. Për të arritur në fund tek një kontratë mes qeverisë dhe studentëve”, tha znj. Shahini.
Ajo shtoi se“bojkoti dhe ultimatumet nuk janë mjetet e nevojshme në një situatë kur vëmendja jonë është te arsimi i lartë dhe kemi nisur procesin e dialogut”.
Tashmë pritet se ç’do të vendosin pedagogët, pasi janë në pozitën e atyre që nuk u janë plotësuar kërkesat. /tesheshi.com/
