Ende pa pritur verdiktin e presidentit Meta, ministrja kosovare e qeverisë Rama, Besa Shahini, ka emëruar zëvëndësin e rektorit të Universitetit të Tiranës Mynyr Koni, të pezulluar pak ditë më parë. Ai do të jetë Bernard Dosti, aktualisht zv/rektor.
Për Konin, qeveria e cila e quan të padenjë për të drejtuar UT në rrethanat e implementimit të reformës në Arsimin e Lartë, ministrja kërkon shkarkimin nga kreu i shtetit.
Ka reguar PD duke e pagëzuar ministren si një “Shullaze”, referuar presidentit të ndërhyrjes së eksponentit të krimit Emiljano Shullazi në zgjedhjet për rektor këtu e pak vite më parë. Ish-deputeti Luçiano Boçi, ardhur nga bota universitare, tha se kjo lëvizje është anti-kushtetuese e anti-ligjore.
“Rama me ministren e tij profane, marrin kontrollin e Universitetit të Tiranës me dhunë, jashtë çdo ligji e Kushtetute.
Në një akt të paprecedent antikushtetues dhe antiligjor, Ministrja e arsimit, Shahini pezullon e shkarkon, Rektorin e UT.
Në të njëjtin urdhër bakalli, ka komanduar Rektorin e ri.
Nenet që i referohet urdhëri, nuk i japin asaj tagër ligjor për të dy vendimet.
Por siç duket Ministrja ka shumë probleme me kuptimin e shqipes.
Jo vetëm.
I duket vetja Shullazja e qeverisë.
Ka probleme dhe me kuptimin e rolit që ka”, shkroi Boçi.
Por nga ana tjetër, dekanët e faktulteteve mbështesin pezullimin nga detyra të rektorit Mynyr Koni.
“Vendimi i ministres ishte efiçent. Konstatimet e shkeljeve të ligjit janë bërë nga KLSH, gjykatat, ministritë. Është krijuar një situatë ngërçi shumë shqetësuese. Deri më sot vlerësimi është se komentet politike e kanë vonuar situatën, e cila doli në pah nga protesta e studentëve. Janë bërë prezentë shkelje shumë flagrante në marrëveshjet dhe marrëdhëniet e pa justifikuara.
Vetën administrata e UT ka restaurura shumë lëvizje. Kam konstatuar që nga momenti ku u informua publiku se të gjithë thonë se ky vendim është jo vetëm i mirëpritur por edhe i vonuar. Tashmë pedagogët dhe studentët se sa lehtë institucioni që mëson të tjerët do mësojë të sillet në mënyrë të ligjshme. Kam bindjen që do të kemi vetëm progres ecuri dhe një angazhim për të kompensuar gjithë këto defiçensa. Tashmë UT është më i miri, i pari me diferencë të madhe nga gjithë të tjerë. Këtë ngërç të krijuar do ta heqim shumë shpejt”, deklaroi Dekani Dhori Kule, një ish-rival i Konit në zgjedhje. /tesheshi.com/
