Gruas së cilës i është besuar arsimi shqiptar, ministrja Lindita Nikolla, ka promovuar rastin e Muhametit, një mësuesi në Kalanë e Dodës, i cili sakrifikon çdo ditë për të bërë të mundur që një nxënëseje të sëmurë të mos i mungojë arsimimi.
“Muhameti ecën 40 min nga shkolla deri në shtëpinë e nx të sëmurë në Radë-Kala e Dodës. Sot e përshkuam bashkë. Mirënjohje!”, shkruan znj. Nikolla në faqen e saj në FB, duke e ilustruar me foto përjetimin e të veçantë në një realitet krejt tjetër.
Kujtojmë se në Kalanë e Dodës, zonë me disa fshatra nën këmbët e Korabit, jepte mësim dikur dhe Petro Koçi. Frengjisht. /tesheshi.com/
