Ministrja e Arsimit, Lindita Nikolla, iu drejtua arsimtarëve nga i gjithë vendi dhe të të gjitha niveleve duke i garantuar se nuk do kenë asnjë presion mbi votën se ku do e çojnë atë.
“Ju them sot se jeni të lirë, të lirë për të votuar sipas vullnetit dhe bindjeve tuaja”, tha Nikolla, duke tentuar të promovojë faktin se arsimi, nën drejtimin e saj nuk do të ngatërrohet me politikën.
“Unë jam e vendosur të largoj politikën nga shkolla”, tha Nikolla, e cila foli gjerë e gjatë mbi reformat e ndërmarra në katër vjet duke i vlerësuar ato si një arritje të madhe në arsim.
Akuzat për përfshirje të mësuesve dhe nxënësve në veprimtari partiake, kanë qenë mëse të zakonshme këto vite; po ashtu si dhe ato për emërime politike në mësimdhënie. /tesheshi.com/
