Ministrja e Inovacionit në “qeverinë Rama”, Milena Harito u tregua krejt e sinqertë dhe e pakompleksuar kur tha se posedon një vilë në Paris në vlerën e 1 milion eurove.
E ftuar tek “Natë me Xhaxhiun”, ajo u pyet nga moderatori për atë nëse ndihej e pasur apo e varfër, ngase, siç tha Xhaxhiu, kishte një rrogë prej 160 mijë lekësh (të reja), e vetëm 23 mijë euro llogari në bankë, një shumë kjo modeste për një ministre.
Dhe Harito, edhe pse e pranoi vërtetësinë e një pasurie vërtet modeste në kushtet e Shqipërisë, tha se puna prej shumë vitesh në Francë, me një rrogë aspak të ngjashme me atë që merrte aktualisht si ministre, i kishte dhënë mundësinë e posedimit të një vile në Paris në vlerën e 1 milion eurove.
Por ministrja shqiptare tha se nuk i kishte shtuar vetes asgjë me përfshirjen në kabinetin qeveritar të drejtuar nga Rama.
Sa për gjestin e mbajtjes së kufjeve në vesh në disa raste kur në parlament e merr fjalën Berisha, ajo tha se këtë gjë do jua këshillonte edhe kolegëve të tjerë deputetë, sigurisht nga partia e saj. /teshesh.com/
