Ministrja e Shëndetësisë Ogerta Manastirliu, si dhe Rektori i Fakultetit të Mjekësisë Arben Gjata, përcollën një thirrje për çdokënd që ka lidhje me fushën, përfshirë dhe studentë, për t’ju bashkuar angazhimit në trajtimin e rasteve me koronavirus.
“Çdo ndihmë shtesë që mund t’i vijë sot sistemit shëndetësor është padiskutim, e dobishme si kurrë më parë. Prandaj, dua të bëj një thirrje publike, për çdo profesionist që ka lidhje me fushën e shëndetësisë, mjek, infermier, farmacist, laborant, profesionist të shëndetit publik, të gjithë Ju që do të ndiheni të gatshëm për të kontribuar për menaxhimin e situatës, për t’i dhënë një dorë, për të shërbyer në sistemin tonë shëndetësor sot është pikërisht dita për ta dhënë këtë kontribut dhe për t’u bashkuar së bashku”, tha gruaja në krye të shëndetësisë shqiptare.
“Të bëhemi bashkë, t’i japim një dorë të gjithë për ta kaluar sa më shpejt, me sa më pak dhimbje këtë situatë para së cilës ndodhet vendi. Jam i sigurt që kur kjo situatë të kalojë, të gjithë ju që do t’i bashkoheni kësaj nisme do ta ndjeni veten krenar dhe të lumtur”, tha Rektori Gjata. /tesheshi.com/
https://www.facebook.com/OgertaManastirliu/videos/1071887286516787/?t=2
