Frida Krifca, ministrje e re e Bujqësisë në qeverinë “Rama 3”, është ndjerë e privilegjuar nga një takim me Erdoganin në Turqi, aleatin më të madh dhe mikun e ngushtë të eprorit të saj në qeveri.
Frida Krifca ishte në Turqi ku mori pjesë në aktivitetin “Frymë për të Ardhmen, Frymë për Botën”.
Në kuadër të këtij programi në të gjithë Turqinë po mbillen 254 milionë fidanë, teksa sot Turqia u ndoq nga më shumë se 30 shtete.
Krifca takoi edhe presidentin e Turqisë Recep Tayyip Erdoğan, të cilit i shprehu “mirënjohjen dhe respektin për këtë politikë publike pa kufij, e cila ndikon në të mirën e të gjithë njerëzimit”, raporton ATSH në lidhje me takimin.
“Ne iu bashkuam kësaj iniciative me ftesë të ministrit të Bujqësisë dhe Pyjeve, Bekir Pakdemirli, duke konfirmuar angazhimin tonë për të bërë modestisht çfarë është e mundur, në këtë përpjekje të përbashkët, në interes të çdo vendi”, tha ministrja e Bujqësisë dhe Zhvillimit Rural, cituar nga ATSH.
Krifca ishte lajm ditët e fundit në lidhje me shpalosjen e idesë për një akademi barinjsh në Shqipëri. /tesheshi.com/
