Ndërsa Kryeministri Edi Rama deklaroi dy ditë më parë se ka ardhur koha që në Shqipëri shkollat publike t’i hapin dyert besimeve fetare, sot ka reaguar ministrja e Arsimit, Lindita Nikolla, e cila ka theksuar se në shkolla nuk do të futet mësimi i fesë, por mësimi i kulturave fetare.
Ministrja sqaroi se nuk bëhet fjalë për një projektvendim, por është një nismë me ndihmën e ekspertëve. “Po operojmë me observatorin e laicitetit me diplomatët”- tha ministrja Nikolla.
Ndërkohë, më herët, në një aktivitet të organizuar nga Komuniteti Mysliman, Rama u shpreh se projekti i qeverisë nuk cenon laicitetin e shkollës.
Fillimisht projekti do të zbatohet në 10 shkolla pilot, në klasat e gjashta dhe në vitin e parë në gjimnaz. /tesheshi.com/
