Ministri për Kulturë dhe Informim Vladan Vukosavljeviç bashkë me bashkëpunëtorë i është lejuar hyrja në Kosovë, por ata pasi kanë bërë kontrollin e zakonshëm, janë kthyer vetë prapa, pa bërë të ditura arsyet.
Këtë e ka konfirmuar policia e Kosovës përmes një njoftimi.
Sipas policisë, vizita e lejuar e Vukosavljeviç ka qenë e planifikuar të realizohet në pikën kufitare Merdare që lidh Kosovën me Serbinë, mirëpo e njëjta nuk është realizuar në atë pikë kufitare por në pikën kufitare Jarinje në veri të vendit.
Ai gjatë vizitës së sotme sipas mediave serbe kishte planifikuar t’i vizitojë disa manastire.
Kujtojmë se njësitet speciale të policisë ndodhen në Veri për të zbatuar vendimin e qeverisë që të mos lejojë ministrat serb të futen pa leje në territorin e Kosovës. /tesheshi.com/
