Ministria e Jashtme e Serbisë i ka përcjellë një notë proteste verbale ambasadorit shqiptar në Serbi, në lidhje me shkeljen e flamurit serb përpara ambasadës franceze nga një shqiptar, në shenjë proteste ndaj arrestimit të Rramush Haradinjat në Francë
Serbia ka kërkuar nga autoritetet shqiptare që ta kapin autorin e veprës, i cili është identifikuar, dhe ta dënojnë në përputhje me ligjet shqiptare, si dhe të njoftohet për masën e ndërmarrë.
Fejza ka shprehur keqardhje për incidentin dhe ka thënë se reagimi i Serbisë do t’i përcillet Ministrisë së Punëve të Jashtme të Shqipërisë, ka njoftuar Ministria e Punëve të Jashtme e Serbisë.
Ditën e enjte Leonard Dedej ka shkelur me këmbë flamurin serb, ndërsa mban në duar flamurin francez, ku shkruhet: Je suis Haradinaj (Unë jam Haradinaj)./tesheshi.com/
