Ministria amerikane e Drejtësisë konfirmoi sot se nuk dispononte asnjë provë për të konfirmuar deklaratat e presidentit, Donald Trump sipas të cilave paraardhësi i tij, Barack Obama kishte përgjuar “Trump Tower” gjatë fushatës presidenciale.
“FBI ashtu dhe NSD (National Security Division-departament i Ministrisë së Drejtësisë) konfirmuan se nuk kishin asnjë gjurmë përsa i përket regjistrimeve të tilla që përshkruhen në mesazhet e Trump në rrjetin social Twitter më 4 mars 2017”, njoftoi ministria në përgjigje të një kërkese përsa i përket lirisë së informacionit depozituar nga një organizëm i kontrollit qeveritar.
FBI ka hedhur poshtë deklaratat presidenciale bërë në kohën që polemikat për lidhjet e dyshimta mes ekipit të fushatës së Trump dhe Rusisë shtoheshin.
Në një mesazh në rrjetin social Twitter, presidenti amerikan, Donald Trump kishte theksuar se ish-presidenti, Obama kishte përgjuar “Trump Tower”, selia e fushatës së tij. /tesheshi.com/
