Ministria e Drejtësisë përmes një komunikate ka bërë të ditur versionin përfundimtar të ligjit për dhomat e Specializuara dhe zyrën e Prokurorit të Specializuar që është hartuar, si dhe përkthyer ne shqip dhe serbisht, nga Bashkimi Evropian.
“Ministri i Drejtësisë ka kryesuar ekipin teknik, të themeluar nga presidentja e Kosovës, Atifete Jahjaga, për shqyrtimin e legjislacionit të hartuar nga Bashkimi Evropian. Në shqyrtim të legjislacionit të pranuar, ekipi teknik ka dhënë propozime dhe ka ngritur çështjet paraprakisht të diskutueshme,” thuhet në komunikatë.
Po ashtu është bërë e ditur se ky version është cilësuar si përfundimtar dhe është proceduar me kërkesë të BE-së.
“Versioni i fundit i ligjit për dhomat e Specializuara dhe zyrës së Prokurorit të Specializuar, në gjuhën angleze, shqipe dhe serbe, i pranuar nga Bashkimi Evropian, është cilësuar version përfundimtar dhe, si i tillë, është proceduar me kërkesë të përfaqësuesve të Bashkimit Evropian,” përfundon komunikata për media lëshuar nga MD-ja./tesheshi.com/
