Ministri i Rendit, Fatmir Xhafaj paralajmëroi aksione të afërta anti-krim e anti-trafik në bashkëpunim me disa instanca ndërkombëtare, si DEA amerikane, anti-mafia italiane, Guarda di Finanza po ashtu, ku siç tha se do kenë rezultat.
Deklarimi i tij iu bë në Real Story të Sokol Ballës, ku në vijim i pyetur nga ky i fundit nëse dhe Balili përfshihej në këto aksione, ministri Xhafaj iu përgjigj: “po, patjetër”. Klemend Balili, i pagëzuar nga mediat greke si “Eskobari i Ballkanit”, është në kërkim prej më shumë se dy vjetësh dhe “fshehja” e tij është shndërruar në njollë kompromentuese për qeverinë.
Nga ana tjetër, Xhafaj vlerësoi ish-kreun e SHISH-it, Visho Ajazi Lika si tepër bashkëpunues, por të njëjtin vlerësim nuk e pati për ish-kryeprokurorin Llalla. /tesheshi.com/
