Kreu i Rendit, Fatmir Xhafaj ka përcjellë një tjetër përbetim qeveritar në lidhje me drogën duke thënë se ajo do zhduket shumë shpejt. Gjatë një vizite në Shkodër, Xhafaj tha sa dhe Lazarat ka patur dhe aty.
“Zonat të caktuara mund t’i konsideroj edhe si Lazarati me kanabis. Në vite të tëra, ndërkohë që flitej për Lazaratin shpesh herë harronim që kishim dhe Lazarat këtu në Shkodër, po unë besoj që me punën që është bërë dhe me ndërgjegjësimin qytetar ky fenomen do të vijë drejt shuarjes”.
Ndërkohë, Xhafaj tha se zgjedhjet janë të garantuara, si reagim ndaj pretendimeve të opozitës se ato kërcënohen nga krimi dhe droga
“Zgjedhjet e 18 qershorit janë absolutisht të garantuara sepse zgjedhjet në përgjithësi i garanton kushtetuta dhe ligjit. Policia është në funksion të respektimit dhe zbatimit të kushtetutës dhe ligjit. Policia bën detyrat që i ngarkon ligji. Çdo lloj lëvizje bën mirë për t’i dhënë një ritëm të mirë punës për t’i dhënë një ritëm të ri çështjeve e prioriteteve, në kohë të ndryshme ka prioritete të ndryshme, natyrisht edhe kanabisi është një prioritet”, theksoi ministri Xhafaj. /tesheshi.com/
