“E kam shumë të vështirë të them se sa nuk do plotësojnë ato kritere e standarde që do të caktohen për mos të qenë më pjesë e strukturave të Policisë së Shtetit. Të bësh një vetting të të gjithë atyre, kaq të gjerë me të gjitha këto kërkesa që ne kemi paraqitur është një tjetër gjë. Le t’ia lëmë kohës”, deklaroi kreu i Rendit, Fatmir Xhafaj, lidhur me vetingun tjetër, atë në radhët e policisë.
“Gradualisht ne do të kalojmë tek aktet rregullatorë, me synimin me shpresën, së bashku me asistencën ndërkombëtare që kemi angazhuar për këtë proces, të mund ta përmbyllim brenda këtij viti”, tha Xhafaj, sipas së cilit kështu do pastrohet dhe policia, siç pritet të pastrohet drejtësia. /tesheshi.com/
