Ministri turk i Punëve të Brendshme, Süleyman Soylu, shprehu konsideratë mbi raportet mes Tiranës dhe Ankarasë, duke i parë ato në prizmin e miqësisë mes kryeministrit Rama dhe presidentit Erdogan. Pas një qëndrimi në Shqipëri në kuadër të luftës kundër elementëve të FETO-s
Soylu tha se “miqësia të cilën Edi Rama ka krijuar me presidentin tonë Recep Tayyip Erdoğan, si dhe bashkëpunimi të cilin e zhvillojnë shkakton arritjen e një momentumi shumë të rëndësishëm qoftë në aspektin e shtetit qoftë në nivel të popujve”.
Sa i përket rolit të Ramës në çështjen FETO, minisitri turk tha se ishte i lumtur mbi çka ka parë te shefi i qeverisë shqiptare.
“Qasja e zotëri kryeministrit, por edhe e ministrit të Brendshëm, për këtë çështje (FETO) me të vërtetë na bëri të lumtur neve si shtet, edhe mua personalisht. Besoj se procesi në luftën kundër organizatës terroriste, qoftë në Shqipëri e qoftë në vendet tjera, do të rezultojë me sukses në favor të Turqisë. Vendosmëria jonë në këtë luftë qoftë brenda vendit e qoftë jashtë vendit do të vazhdojë ashtu siç ka qenë. U paraqit një qëndrim shumë konstruktiv. Shpresojmë që në ditët në vijim të gjithë së bashku do të shohim rezultatet e këtij qëndrimi konstruktiv”, theksoi Soylu gjatë një interviste për AA. /tesheshi.com/
