Turqia do të rishqyrtojë vendimin e vitit 2004 për heqjen e dënimit me vdekje, tha ministri turk i drejtësisë Bekir Bozdag pasi presidenti turk Rexhep Tajip Erdogan përmendi dënimin me vdekje në lidhje me shkakun e zjarreve të kësaj jave.
Dënimi me vdekje u hoq nga Kushtetuta në vitet e para të sundimit të Erdoganit, kujtojnë agjencitë.
Por pasi një zjarrvënie e dyshuar shkatërroi 4,500 hektarë pyll pranë detit Egje, Erdogan tha se nevojiteshin masa më të rrepta.
Autoritetet thanë se i dyshuari u arrestua dhe pranoi se shkaktoi zjarrin. Një zjarr në pyll pranë resortit Marmaris është shuar, thanë autoritetet.
Pasi vizitoi vendin të premten, Erdogan tha se dënimi për djegien e pyjeve duhet të jetë “frikësues dhe nëse është dënim me vdekje”.
Duke iu drejtuar gazetarëve në qytetin lindor të Agrës, ministri i Drejtësisë Bozdag tha se komentet e presidentit ishin udhëzime për ta.
“Ne filluam të punojmë për të si ministri”, tha Bozdag, duke shtuar se dënimi aktual për zjarrvënie është 10 vjet burg, i cili mund të rritet në burgim të përjetshëm nëse është pjesë e krimit të organizuar. /tesheshi.com/
