Në një vizitë në Francë, ministri turk për BE-në, Omer Çelik, ka folur për të mirënjohurën Le Monde dhe për France 24, ku ka vënë në dukje një qasje negative në kontinent ndaj presidentit Erdogan.
Ashtu siç e vë në pah dhe Le Monde në titullin e saj, Omer Çelik ka theksuar se, bazuar në islamofobinë dhe ksenofobinë, në Europë ekziston prej kohësh Erdoganofobia.
Duke qenë reforma kushtetuese, që pret të votohet në referendum, një ndër argumentet e kundërvënies tani në Europë ndaj Erdoganit, ministri turk për çështjet e BE-së ka nënvizuar, “Diplomatët europianë po flasin mbi reformën kushtetuese në Turqi pa e ditur përmbajtjen e saj.”
Për të, “Populli turk do ta mbështesë këtë reformë sepse përpjekja për grusht shteti e 15 korrikut nxori në pah dobësinë e sistemit të tanishëm.”
Duke iu rikthyer diskutimit mbi Erdoganin, ministri i qeverisë turke ka çmuar rolin e tij në marrëveshjen me BE-në për refugjatët përkundër qëndrimit aspak korrekt të Europës.
“Kërcënimi i vërtetë erdhi nga udhëheqësit europianë. Franca do të pranonte 17.000 refugjatë, por ka pranuar vetëm 2.000 deri tani. Shumë vende europiane nuk pranuan asnjë refugjat. Turqia nuk përfiton nga situata, vetëm Europa ka përfitime. Dhe kur presidenti ynë reagon ndaj kësaj, fajësojnë atë. Europa nuk i mbajti premtimet, tre miliardë eurot ndihmë [për refugjatët në Turqi] nuk u dërguan.” /tesheshi.com/
